Fréttir

Tæknilæsi og tölvufærni er nám fyrir einstaklinga sem eiga erfitt með að halda í við þær breytingar sem ör tækniþróun hefur á störf og daglegt líf.  Markmið námsins er að auka tæknilæsi og tölvufærni þátttakenda og gera þá betur í stakk búna til að  halda í við tækniframfarir í starfi og leik. Í náminu verður megináhersla lögð á að efla sjálfstraust þátttakenda gagnvart tækni og tölvum. Skilningur á grunnþáttum tölva er efldur og grunnhæfni í notkun tölva og snjalltækja verður þjálfuð.   Námskeiðið er FRÍTT fyrir fólk í atvinnuleit.  Fólk í atvinnuleit, vinsamlegast veljið annað sem greiðsluleið við skráningu umsóknar.   Skráningar og upplýsingar er að finna hér:   Staðnám  Fjarnám  Á Ensku in English    

Nám á vorönn er farið af stað eða er í startholunum þessa dagana. Eins og síðustu annir, frá því að kóvídfaraldurinn hófst, hefur námið færst töluvert yfir á netið og í sumum námskeiðum og námsleiðum er það blanda af stað- og fjarnámi.

SÍMEY hefur fengið endurnýjaða gæðavottun til þriggja ára samkvæmt EQM (European Quality Mark) – Evrópska gæðamerkinu.

Þann 17. desember sl. lauk fyrsta áfanga samfélagsfræðslu og íslenskunáms sem SÍMEY býður upp á fyrir hóp kvóttaflóttamanna, hælisleitenda og innflytjenda.

Nítján starfsmenn íþróttamannvirkja á Akureyri, í Dalvíkurbyggð, Fjallabyggð og Eyjafjarðarsveit hafa núna á haustönn verið raunfærnimetnir í störfum sínum.

Þann fjórða október sl. hófst í SÍMEY samfélagsfræðsla og kennsla í íslensku fyrir hóp kvótaflóttamanna, hælisleitenda og innflytjenda. Ahmed Essabiani annast kennsluna en af hálfu SÍMEY heldur Kristín Björk Gunnarsdóttir utan um námið.

Í október nk. býður SÍMEY upp á raunfærnimat fyrir starfsfólk íþróttamannvirkja – sundlauga og íþróttahúsa – og hafa starfsmenn SÍMEY haldið kynningarfundi að undanförnu fyrir starfsfólk íþróttamannvirkja á Eyjafjarðarsvæðinu þar sem þessi möguleiki er kynntur.

Núna á haustönn býður SÍMEY upp á tvær námsleiðir fyrir atvinnuleitendur í samstarfi við Vinnumálastofnun. Námsleiðirnar eru annars vegar Stökkpallur og hins vegar Íslensk menning og samfélag og byggja þær báðar á vottuðum námskrám frá Fræðslumiðstöð atvinnulífsins.

Eins og vera ber er starfsemi SÍMEY núna á haustönn komin í fullan gang. Margt verður með líku sniði og undanfarin ár en þó ekki allt. Í þremur námsleiðum - Menntastoðum, Félagsliðabrú og Leikskólaliða- og stuðningsfulltrúabrú - hefur námsfyrirkomulaginu verið breytt töluvert.

Við leggjum mikla áherslu á gott aðgengi að sóttvörnum, að húsnæði okkar sé þrifið og sótthreinsað eins og best verður á kosið.