Fréttir

Fræðsla í formi og lit hefur í mörg ár verið einn af föstum liðum í starfi SÍMEY. Námið byggir á námskrá Fræðslumiðstöðvar atvinnulífsins og hefur það að markmiði að auka færni þátttakenda í myndlist, listasögu og skapandi starfi.

Laugardaginn 13. maí opnar sýningin Ljómar í Mjólkubúðinni.

Helena Sif Guðmundsdóttir er nýr starfsmaður SÍMEY. Hún hóf störf um miðjan apríl sem náms- og starfsráðgjafi og verkefnastjóri í 50% starfshlutfalli.

Framhaldsfræðslan í landinu fór ekki varhluta af kóvidfaraldrinum síðustu þrjú árin. Samkomutakmarkanir vegna faraldursins á fyrri hluta ársins 2022 voru einn af þeim þáttum sem gerðu það að verkum að samdráttur varð í starfsemi SÍMEY – m.a. fjölda námskeiða – á árinu.

Árlegur fundur Símenntar – samtaka fræðslu- og símenntunarmiðstöðva var haldinn á Egilsstöðum 13. apríl sl. Til fundarins komu forstöðumenn þeirra ellefu símenntunarmiðstöðva sem mynda samtökin og fóru vítt og breitt yfir málefni framhaldsfræðslunnar í landinu.

Á undanförnum tveimur árum hefur SÍMEY annast verkefnastjórn við uppsetningu tveggja rafrænna skóla, annars vegar hjá Sæplasti á Dalvík – Sæplastskólinn – og nú hefur verið opnaður rafrænn skóli fyrir starfsfólk velferðarsviðs Akureyrarbæjar.

Nýverið fékk LOFTUM verkefnið aukið fjármagn úr Sóknaráætlun Norðurlands eystra til þess að bjóða í haust upp á fræðslu í loftslags- og umhverfismálum fyrir starfsfólk og kjörna fulltrúa sveitarfélaga sem eiga aðild að SSNE - samtökum sveitarfélaga og atvinnuþróunar á Norðurlandi eystra.

Í dag lauk nítjánda suðunámskeiðinu sem SÍMEY hefur staðið fyrir síðan 2013. Sem fyrr voru kennarar á námskeiðinu Kristján Kristinsson og Stefán Finnbogason, kennarar við málmiðbraut Verkmenntaskólans á Akureyri.

SÍMEY leggur áherslu á fjölþætta þjónustu fyrir innflytjendur og flóttafólk, til þess að ná til sem flestra sem vilja læra íslensku sem annað mál og fræðast um íslenskt samfélag.

Síðastliðið vor var ýtt úr vör á starfssvæði SÍMEY námskeiðum í tæknilæsi fyrir sextíu ára og eldri. Námskeiðin eru hluti af landsátaki, kostað af félags- og vinnumarkaðsráðuneytinu og þátttakendum að kostnaðarlausu, til þess að efla tæknilæsi fólks.