Fréttir

Kristín Björk Gunnarsdóttir, verkefnastjóri í SÍMEY, skrifar grein um raunfærnimat í fisktækni sem birtist í vefriti Fræðslumiðstöðvar atvinnulífsins, Gáttinni, í gær.

Heilbrigðisstofnun Norðurlands, SÍMEY, Farskólinn og Þekkingarnet Þingeyinga hafa undanfarin ár verið í góðu samstarfi um fræðslu og starfsþróun starfsfólks HSN. Það samstarf byggði á Markviss þarfagreiningum sem unnar voru veturinn 2014-2015 á starfssvæði HSN.

Þessa dagana eru á veggjum húsnæðis SÍMEY við Ársstíg á Akureyri myndverk níu nemenda í myndlistarsmiðju sem Guðmundur Ármann Sigurjónsson, myndlistarmaður og kennari, hefur kennt á þessari önn.

Guðmundur Ingi Guðbrandsson, félags- og vinnumarkaðsráðherra, kom í heimsókn í SÍMEY á dögunum og kynnti sér starfsemi miðstöðvarinnar og símenntunargeirans almennt.

Starfsemi og rekstur SÍMEY á árinu 2021 markaðist mjög af kóvidfaraldrinum. Umfangið í t.d. námskeiðahaldi og raunfærnimati var vegna faraldursins ekki eins mikið og vonir stóðu til.

Tilfinningagreind og markþjálfun voru meginstefin í námskeiði sem þrír verkefnastjórar hjá SÍMEY, Kristín Björk Gunnarsdóttir, Sandra Sif Ragnarsdóttir og Ingunn Helga Bjarnadóttir sóttu til Puerto de la Cruz á Tenerife dagana 5.-12. mars sl.

Núna á vordögum mun SÍMEY bjóða upp á fyrstu námskeiðin í tæknilæsi fyrir sextíu ára og eldri. Námskeiðin, sem eru kostuð af félags- og vinnumálaráðuneytinu og verða þátttakendum því að kostnaðarlausu, eru liður í átaki ráðuneytisins um eflingu tæknilæsis fólks sextíu ára og eldra um allt land.

Tæknilæsi og tölvufærni er nám fyrir einstaklinga sem eiga erfitt með að halda í við þær breytingar sem ör tækniþróun hefur á störf og daglegt líf.  Markmið námsins er að auka tæknilæsi og tölvufærni þátttakenda og gera þá betur í stakk búna til að  halda í við tækniframfarir í starfi og leik. Í náminu verður megináhersla lögð á að efla sjálfstraust þátttakenda gagnvart tækni og tölvum. Skilningur á grunnþáttum tölva er efldur og grunnhæfni í notkun tölva og snjalltækja verður þjálfuð.   Námskeiðið er FRÍTT fyrir fólk í atvinnuleit.  Fólk í atvinnuleit, vinsamlegast veljið annað sem greiðsluleið við skráningu umsóknar.   Skráningar og upplýsingar er að finna hér:   Staðnám  Fjarnám  Á Ensku in English    

Nám á vorönn er farið af stað eða er í startholunum þessa dagana. Eins og síðustu annir, frá því að kóvídfaraldurinn hófst, hefur námið færst töluvert yfir á netið og í sumum námskeiðum og námsleiðum er það blanda af stað- og fjarnámi.

SÍMEY hefur fengið endurnýjaða gæðavottun til þriggja ára samkvæmt EQM (European Quality Mark) – Evrópska gæðamerkinu.