Raunfærnimat

Markhópur símenntunarmiðstöðva eru einstaklingar sem hafa litla formlega skólagöngu að baki, þ.e. hafa ekki lokið stúdentsprófi, iðnnámi eða sambærilegu námi. Einnig einstaklingar sem hafa lokið námi erlendis, sem ekki er viðurkennt á Íslandi.

Raunfærnimat er staðfesting og mat á raunfærni einstaklings án tillits til þess hvernig eða hvar hennar hefur verið aflað. Það gerir færni og þekkingu sýnilega með því að meta hana á móti formlegu námi eða kröfum atvinnulífsins. 

Fyrir hverja er raunfærnimat?

Raunfærnimat hjá SÍMEY er fyrir einstaklinga 23 ára og eldri sem hafa a.m.k þriggja ára starfsreynslu úr því starfi sem meta skal. Raunfærnimat er ætlað þeim einstaklingum sem hafa litla, formlega menntun.

Sjá bækling um raunfærnimat á íslensku og ensku.

Hvað kostar raunfærnimat?

Raunfærnimat er þátttakendum að kostnaðarlausu, hafi þeir ekki lokið námi á framhaldsskólastigi. Þeim sem hafa lokið stúdentsprófi, sambærilegu námi eða háskólanámi er bent á að hafa samband við verkefnastjóra raunfærnimats.

Færnimappa

Færnimappa er sjálfsmatslisti þar sem þátttakandinn setur inn upplýsingar um menntun sína, námskeið, réttindi, starfsreynslu og helstu verkefni í hverju starfi og núverandi starfi. Einnig setja þátttakendur inn hæfni sína, færni, áhugamál og félagsstörf.

SKRÁNING

Frekari upplýsingar veita verkefnastjórar raunfærnimats:

Helena Sif (helena@simey.is) og Jónína (jonina@simey.is).

Raunfærnimatsferlið