Fréttir

SÍMEY er aðili að verkefninu Velkomin til Akureyrar sem hefur það að markmiði að stuðla að samstarfi fyrirtækja og stofnana um hvernig best sé staðið að því að taka á móti starfsfólki af erlendum uppruna.

Græn umskipti er þróunarverkefni sem Þekkingarnet Þingeyinga og SÍMEY hafa unnið að síðustu tvö ár í samvinnu við sveitarfélög og atvinnulífið á Norðurlandi eystra.

Á dögunum komu góðir gestir frá Írlandi í heimsókn í SÍMEY, nánar tiltekið frá borginni Cork og nágrenni, til þess að kynna sér eitt og annað í menntamálum á Íslandi, ekki síst varðandi framhaldsfræðslu.

Með bréfi frá mennta- og barnamálaráðuneytinu hefur SÍMEY fengið endurnýjaða viðurkenningu fræðsluaðila til næstu þriggja ára – til 2028.

Heiða Björk Pétursdóttir hóf í september sl. störf sem verkefnastjóri/ráðgjafi í SÍMEY. Á hennar borði eru m.a. ýmis verkefni á fjölmenningarsviði (t.d. vottuð námskeið eins og Íslenskuþjálfarinn og Landneminn) og fyrirtækjasviði auk þess sem á hennar borði eru samskipti við Vinnumálastofnun og VIRK.

Núna í október standa SÍMEY, Dalvíkurbyggð og leikskólinn Krílakot á Dalvík að starfstengdu námskeiði í íslensku fyrir fjóra starfsmenn Krílakots sem eru af erlendum uppruna. Sérstaða þessa námskeiðs felst ekki síst í því að það er á starfstíma leikskólans.

Jónína Margrét Guðbjartsdóttir er ný í starfi verkefnastjóra hjá SÍMEY, hún hóf störf fyrr í þessum mánuði. Verkefni hennar eru fjölbreytt, ásamt öðrum hefur hún umsjón með vottaða náminu og lengri námsleiðum, t.d. leikskólaliða- og stuðningsfulltrúanáminu, einnig Menntastoðum og hún mun líka koma að raunfærnimatinu.

Námskeið í íslensku sem annað mál eru komin í fullan gang núna á haustönn og segir Sigurlaug Indriðadóttir Unnardóttir, verkefnastjóri í SÍMEY, að vel líti út með aðsókn á námskeiðin.

Síðsumars og í haust hefur SÍMEY annast skipulagningu námskeiða fyrir annars vegar grunnskóla Akureyrar og hins vegar velferðarsvið Akureyrarbæjar. Námskeiðin voru hluti af fræðsluáætlunum fyrir starfsfólk grunnskólanna og velferðarsviðs bæjarins.

Þórdís Gísladóttir hefur verið ráðin í stöðu verkefnastjóra/ráðgjafa hjá SÍMEY. Hún hóf störf 7. ágúst sl.