Fréttir

Eins og fram hefur komið hér á heimasíðunni er mikil aðsókn á námskeið SÍMEY í íslensku sem annað mál. Á þessari önn eru námskeiðshóparnir þrettán og eru námskeiðin kennd á Akureyri, Grenivík, Dalvík og í Fjallabyggð.

Í síðustu viku lauk sex kvölda dyravarðanámskeiði sem SÍMEY og Eining Iðja héldu í samstarfi við Lögregluna á Norðurlandi eystra.

Fyrir útlendinga reynist íslenskan almennt erfitt tungumál að læra. Og þegar við bætist að margir sem sækja námskeið í íslensku sem annað tungumál koma úr gjörólíkum mál- og menningarheimum vandast málið því þá þarf fólk að tileinka sér nýtt stafróf, hið latneska, frá grunni.

Í gær skrifaði Björn Snæbjörnsson, formaður félagsins, undir samstarfssamning við Símenntunarmiðstöð Eyjafjarðar.

Fyrr í þessum mánuði luku tuttugu og tveir einstaklingar raunfærnimati í fisktækni hjá SÍMEY. Flestir hafa starfað í fiskvinnslu en einnig voru raunfærnimetnir einstaklingar sem hafa starfað í fiskeldi og við sjómennsku.

Í næstu viku hefst nám á nýrri námsbraut hjá SÍMEY sem hefur hlotið yfirskriftina Nám og þjálfun. Námsbrautin tekur til fjögurra námsgreina, íslensku, upplýsingatækni, stærðfræði og ensku, auk lífsleikni, sem er í upphafi námsins, annars vegar hópefli og hins vegar námstækni.

Í þessari viku hófst spænskunámskeið á vegum SÍMEY á Dalvík og verður grunnurinn í spænsku kenndur á námskeiðinu, sem stendur til jóla, en þess er vænst að mögulega verði unnt, ef nægilegur fjöldi þátttakenda fæst, að bjóða upp á framhaldsnámskeið eftir áramót.

Forvarnadagur Streituskólans og SÍMEY í Menningarhúsinu Hofi í síðustu viku tókst með miklum ágætum og sóttu hann hátt í hundrað manns.

Í næstu viku, nánar tiltekið fimmtudaginn 17. október, standa SÍMEY og Streituskólinn fyrir málþingi í Menningarhúsinu Hofi sem ber yfirskriftina Forvarnardagur Streituskólans og SÍMEY.

Fimmtudaginn 17. október halda SÍMEY og Streituskólinn málþing í Hofi um forvarnir gegn streitu og kulnun. Málþingið er ætlað stjórnendum og starfsfólki fyrirtækja. Dagskrá málþingsins er meðfylgjandi. Skráning á málþingið fer fram hér!