Fréttir

Til fjölda ára hefur Símenntunarmiðstöð Eyjafjarðar boðið upp á nám í íslensku sem annað tungumál. Svo er einnig núna á haustönn og hefur aðsóknin sjaldan verið meiri. Nú eru fimmtán námskeið í gangi, þrettán kennd á Akureyri en tvö á Dalvík.

Um margt eru líkindi með uppbyggingu í ferðaþjónustu á Íslandi og Skotlandi. Í báðum löndum er m.a. lögð áhersla á svokallaða náttúruferðamennsku þar sem náttúruupplifun ferðamannsins er í öndvegi. Í Skotlandi á þetta fyrst og fremst við um norðurhluta landsins.

Í þessari viku hófst fræðsla samkvæmt nýrri fræðsluáætlun fyrir starfsfólk búsetusviðs Akureyrarbæjar og reið Ragnheiður Dögg Agnarsdóttir frá Heilsufélaginu ehf. á vaðið með námskeiðum sem voru haldin í Hamraborg í Hofi.

Frá opnun FabLab Akureyri í húsnæði Verkmenntaskólans á Akureyri á síðasta ári hefur SÍMEY staðið fyrir fjölmörgum FabLab námskeiðum þar sem farið er í ýmis grunnatriði sem opna nemendum oft og tíðum sýn inn í nýjan og óþekktan tækniheim og varpa ljósi á hvernig hlutirnir verða til frá hönnun á tölvuskjá til þrívíddarprentunar eða skurðar í laser- eða vínilskurðvélum.

Núna á haustdögum hefur SÍMEY unnið að hæfnigreiningu starfa aðstoðarmanna í málmiðnaði. Hæfnigreiningar eru liður í því að festa á blað greinargóða lýsingu á því sem viðkomandi starf felur í sér og um leið að skilgreina menntunarþarfir viðkomandi starfshóps.

Einn af föstum liðum í starfi SÍMEY er að meta raunfærni fólks á vinnumarkaði og svo er einnig núna á haustönn. Þessa dagana er unnið að mati á raunfærni fjölmargra einstaklinga í mismunandi iðngreinum.

Áhugavert og skemmtilegt. Það er meginstefið í því sem þátttakendur í TIG-suðu námskeiði sem SÍMEY stendur fyrir hafa að segja um námskeiðið.

SÍMEY lokar í júlí. Starfsfólk er komið aftur til starfa þann 1. ágúst. Á heimasíðu má finna allar helstu upplýsingar um námsframboð haustsins og skráningar. Með sumarkveðju Starfsfólk SÍMEY

Dagurinn í dag 19. júní boðar gott varðandi faglega og góða þjónustu í Eyjafirði en haldin voru tvö Þjónanámskeið.

Þann 15. maí sl. var undirritaður þríhliða samningur milli SÍMEY, Ferðamálafélags Eyjafjarðarsveitar og Hæfniseturs ferðaþjónustunnar um að Ferðamálafélag Eyjafjarðarsveitar taki þátt í tilraunaverkefninu “Fræðsla í ferðaþjónustu”. SÍMEY sér um framkvæmd greininga og fræðslu í samstarfi við Hæfnisetrið.