Fréttir

SÍMEY óskar öllum gleðilegra jóla. Starfsfólk SÍMEY mætir til vinnu 5. janúar eftir jólafrí.

Vegna ófærðar verður ekki starfsemi í SÍMEY fyrr en í fyrsta lagi um hádegi. Við munum taka stöðuna þá. Þú getur sent starfsfólki tölvupóst ef það er eitthvað sem þú þarft að fá upplýsingar um. Kv. starfsfólk SÍMEY

Fræðslumiðstöð atvinnulífsins veitir árlega viðurkenningu fyrir fyrirmyndir í námi fullorðinna. Ólöf Ásta Salmannsdóttir fyrrverandi nemandi hjá SÍMEY var veitt viðurkenningin ásamst tveimur öðrum námsmönnum. Ólöf lauk námi í Menntastoðum hjá SÍMEY og Háskólabrú Keilis sem er kennd hjá SÍMEY. Við óskum Ólöfu innilega hamingju með þessa viðurkenningu. Á myndinni f.v. er Ingibjörg frá Fræðslumiðstöð Atvinnulífsins, Ólöf Ásta Salmannsdóttir, Sigurður Oddsson og Margrét Gígja Rafnsdóttir.

Fjölmennt/SÍMEY hélt á dögunum leiklistar-og spunanámskeið á Siglufirði. Í lok námskeiðs hélt leikhópurinn „Fjórar kátar konur“ leiksýninguna Rauðhettu og úlfurinn í Bláa húsinu á Siglufirði. Að sýningu lokinni gafst áhorfendum kostur á að spyrja þátttakendur spurninga. Var m.a. spurt um upplifun þátttakenda á því að taka þátt í svona uppfærslu.  Svöruðu allir þátttakendur því til að þetta hefði gefið þeim mjög mikið og allt námskeiðið hefði verið mjög skemmtilegt.   Sýningin heppnaðist svo vel að leikhópnum var boðið að sýna leikritið í Tjarnaborg á Ólafsfirði. Sýningin verður haldin fimmtudaginn 11. desember, kl. 16. Allir velkomnir á sýninguna og við hvetjum sem flesta til að nýta sér það tækifæri og sjá þessa frábæru sýningu. Leikhópinn Fjórar kátar konur skipa Anna Kristinsdóttir, Hrafnhildur Sverrisdóttir, Hugljúf Sigtryggsdóttir og  Kristín A. Friðriksdóttir. Leiðbeinandi og leikstjóri var Anna Ríkharðsdóttir.

Það var hópur sælkera sem mætti á viskínámskeið með Snorra Guð þar sem hann paraði mat við viskí. Þátttakendur fóru heim með fullt af hugmyndum til að prófa sig áfram með.

Hildur Friðriksdóttir hélt skemmtilegt og fræðandi námskeið um kaffi þann 23.október. Hildur talaði um sögu og uppruna kaffis, kenndi þátttakendum aðferðir við kaffismökkun og mismunandi uppáhellingar og svo var vitaskuld gætt sér á dýrindis kaffi í lokin!

Býrð þú yfir áralangri reynslu og umtalsverðri færni í ákveðinni iðngrein? Erum að fara af stað með raunfærnimat í húsasmíði, bifvélavirkjun, bílamálun, bílsmíði, málverki, múrverki, pípulögnum, matartækni, framleiðslu, kjötiðn, málmsuðu, vélvirkjun, stálsmíði, blikksmíði, rennismíði, vélstjórn og slátrun. Raunfærnimat er fyrir einstaklinga sem eru 25 ára og eldri og hafa unnið í sínu fagi í 5 ár eða lengur. Raunfærnimat hjálpar einstaklingum að ljúka námi sínu og að fá stöðu sína metna. Kynningarfundur í SÍMEY fimmtudaginn 30. október kl. 17:00 Allar frekari upplýsingar eru í síma 460-5720. Einnig er hægt að skrá sig á Skráning á kynningarfundinn er hér

Hátt í 20 konur á öllum aldri mættu á fyrirlestur Ebbu Guðnýjar í SÍMEY um hollt mataræði og bætta heilsu. Skemmtilegur fyrirlesari sem óhætt er að mæla með.

Hér fjallar Ingvar um námskeiðið http://www.youtube.com/watch?v=AKSo6Sm9Cwk&feature=youtu.be

Hildur Elín Vignir framkvæmdarstjóri Iðunnar útskýrir fyrir hlustendum Bylgjunnar hvað raunfærnimat er. Smelltu hér til að hlusta á viðtalið!