Höldur tekur þátt í fræðslu í ferðaþjónustu

Að lokinni undirritun samstarfssamningsins. Frá vinstri: Hildur Betty Kristjánsdóttir, sérfræðingur Hæfniseturs ferðaþjónustunnar, Kjartan Sigurðsson, verkefnastjóri SÍMEY, Sigrún Árnadóttir, verkefnastjóri á Höldi og Geir Kristinn Aðalsteinsson, mannauðsstjóri Hölds.

Höldur – Bílaleiga Akureyrar tekur þátt í tilraunaverkefninu “Fræðsla í ferðaþjónustu” og hefur gert samstarfssamning við Símenntunarmiðstöð Eyjafjarðar og Hæfnisetur ferðaþjónustunnar þess efnis. SÍMEY sér um framkvæmd greininga og fræðslu í samstarfi við Hæfnisetrið. 

Samningurinn tekur strax gildi og er til sextán mánaða, til apríl 2020. Samningurinn er víðtækur en rauði þráðurinn í honum er fræðsla fyrir starfsmenn Bílaleigu Akureyrar.

Meðal þess sem verður unnið í þessu verkefni er að greina fræðsluþörf, setja upp fræðsluáætlun fyrir Bílaleigu Akureyrar, og fylgja henni eftir með árangursmælingum.