Félagsliðagátt

Flokkur: Lengra nám

Um er að ræða fyrstu 4 annirnar af 6 anna námi félagsliða, samtals 76 einingar.  Að loknu námi hjá SÍMEY geta nemendur lokið félagsliðabraut hjá framhaldsskóla á einu ári og fengið starfsréttindi félagsliða.

Innihald námsins eru félags-, sál- og uppeldisgreinar sem og sérgreinar á sviði fötlunar- og öldrunarþjónustu. 

 

Forkröfur í námið eru að nemendur hafi náð 22ja ára aldri, hafi 3ja ára starfsreynslu í umönnun og hafi lokið 230 kennslustunda starfstengdum námskeiðum. Þátttakendum er boðið upp á raunfærnimat í upphafi náms, sem getur þá komið til styttingar á náminu.

 

Fyrirkomulag náms: Námið er byggt þannig að hver áfangi er kenndur í fjórar til fimm vikur í senn. Hver áfangi hefst með 4 klst staðlotu og í kjölfarið fer námið fram á netinu í vendikennslu. Athugið að mikilvægt er að mæta í staðlotu svo að námið gangi vel fyrir sig. Allir fyrirlestrar eru teknir upp fyrirfram og aðgengilegir námsmönnum í gegnum netið. Námsmenn hafa aðgengi að kennara í vinnustofum á miðvikudögum og/eða mánudögum milli kl. 17:00 - 20:00 í gegnum netið eða í SÍMEY. Þar geta nemendur fengið aðstoð og leiðsögn við gerð verkefna frá kennara. Þar fyrir utan er nemendum frjálst að nýta sér aðstöðuna í SÍMEY og hafa þar aðgengi að ráðgjöfum og verkefnastjórum.

Námsmat: Námsárangur er metinn með símati, þ.e. nemandi skilar inn verkefnum sem metin eru til einkunna og er einkunn gefin í tölustöfum. Hægt er að fá hluta áfanga metna í gegnum raunfærnimat og biðjum við þá sem þess óska að hafa sambandi við umsjónarmenn námsins, Helenu (helena@simey.is) eða Helga (helgis@simey.is).
  

Fög kennd á vorönn 2024

  • Fatlanir og samfélag - Hefst 6. janúar kl. 09:00 - 12:00. Vinnustofur á mánudögum kl. 17:00 - 20:00 frá 8. janúar til 5. febrúar.
  • Kynjafræði - Hefst 6. janúar kl. 13:00 - 16:00. Vinnustofur á miðvikudögum kl. 17:00 - 20:00 frá 10. janúar til 7. febrúar. 
  • Fjölskyldan og félagsleg þjónusta - Hefst 10. febrúar kl. 09:00 - 12:00. Vinnustofur á mánudögum kl. 17:00 - 20:00 frá 12. febrúar til 11. mars.
  • Óhefðbundin samskipti - Hefst 16. mars kl. 09:00 - 12:00. Vinnustofur á mánudögum kl. 17:00 - 20:00 frá 18. mars til 15. apríl.
  • Öldrun og samfélag - Hefst 20. apríl kl. 09:00 - 12:00. Vinnustofur á miðvikudögum kl. 17:00 - 20:00 frá 22. apríl til 22. maí.

 

Sjá námskeiðslýsingar og hæfniviðmið í námsskrá Fræðslumiðstöðvar Atvinnulífsins.

Verð: 71.500 kr (með fyrirvara um breytingu á verðskrá fræðslusjóðs).
Vinsamlega athugið að námsgjöld eru óafturkræf eftir að frestur til að segja sig frá námi rennur út.

Frestur til úrsagnar úr lengri námsleiðum er 14 dagar frá skráningu. Hafi skrifleg úrsögn ekki borist innan 14 daga eftir að umsókn var send inn, verða námsgjöld innheimt að fullu.

Smellið hér til að skrá ykkur úr námi.

 

 Ekki gleyma að kanna möguleikana á styrkjum hjá stéttarfélögum ykkar og fræðslusjóðum!

Haustönn 2024