MENNTASTOÐIR

Flokkur: Lengra nám

Menntastoðir eru undirbúningsnám fyrir frumgreinadeildir Keilis, Bifrastar og Háskólans í Reykjavík. Einnig má meta nám í menntastoðum til eininga í bóklegum greinum iðnnáms. 

Fyrirkomulag náms: 

Námið er byggt þannig upp að tveir áfangar eru kenndir í einu í fjórar til fimm vikur í senn. Hver áfangi hefst með 4 klst fjarfundi á laugardegi og í kjölfarið fer námið fram á netinu í vendikennslu. Athugið að mikilvægt er að mæta á fyrsta fjarfund svo að námið gangi vel fyrir sig. Allir fyrirlestrar eru teknir upp fyrirfram og aðgengilegir námsmönnum í gegnum netið.

Námsmenn hafa aðgengi að kennara í vinnustofum á mánudögum, miðvikudögum eða fimmtudögum milli kl. 17:00 - 20:00 í gegnum netið. Þar geta nemendur fengið aðstoð og leiðsögn við gerð verkefna frá kennara. Þar fyrir utan er nemendum frjálst að nýta sér aðstöðuna í SÍMEY og hafa þar aðgengi að ráðgjöfum og verkefnastjórum.

Námsmat:

Námsárangur er metinn með símati í formi verkefna og könnunarprófa. Ekki eru haldin eiginleg lokapróf í áföngunum.  

Eftirtaldar námsgreinar eru kenndar á haustönn 2024:

• Námstækni, tölvu- og upplýsingatækni, gagnrýnin hugsun og siðfræði, stærðfræði 1, stærðfræði 3, íslenska 1 og enska 1.  

Sjá nánar námskeiðslýsingar og hæfniviðmið í námsskrá Fræðslumiðstöðvar atvinnulífsins.

Námið hefst þann 6. janúar.

Verð fyrir fullt nám: 200.000* (með fyrirvara um breytingu á verðskrá fræðslusjóðs).

Verð pr. áfanga.

1-4 áfangar - 25.000 kr. pr. áfanga

5-6 áfangar - 100.000 kr.

Athugið að sótt er um allt námið. Verðinu verður breytt við innritun til samræmis við óskir umsækjenda.

Hafið samband við Helenu (helena@simey.is) eða Önnu Maríu (annamaria@simey.is) fyrir frekari upplýsingar um nám í Menntastoðum.

Vinsamlega athugið að námsgjöld eru óafturkræf eftir að frestur til að segja sig frá námi rennur út.
Frestur til úrsagnar úr lengri námsleiðum er 14 dagar frá dagsetningu umsóknar. 
Hafi skrifleg úrsögn ekki borist innan 14 daga eftir að umsókn var send inn, verða námsgjöld innheimt að fullu (sjá greiðsluskilmála SÍMEY) 

Ef þú vilt hætta við umsókn og koma í veg fyrir að námsgjöld verði innheimt, smelltu þá hér áður en 14 daga fresturinn rennur út, fylltu út formið og sendu til okkar.

Ekki gleyma að kanna möguleikana á styrkjum hjá stéttarfélögum ykkar og fræðslusjóðum!