Styrkleikar í lífi og starfi

Flokkur: Stök námskeið

Á námskeiðinu munu þátttakendur fá grunnfærni í styrkleikanálgun, að þekkja eigin styrkleika og hafa verkæri til að vinna með þá áfram í bæði einkalífi sem og starfi.

Lykilspurningar sem skoðaðar eru á námskeiðinu: 

  • Hvað er „neikvæð slagsíða“?
  • Hvað eru styrkleikar og hvers vegna skipta þeir máli?

Hvaða styrkleikar eru mikilvægir fyrir starfsmenn,  þegar horft er til framtíðar?

  • Hvernig nýtast þeir í vinnunni og í einkalífinu?
  • Hverjir eru þínir styrkleikar og hvernig getur þú unnið með þá?
  • Hvað er að ofnota styrkleika?
  • Hverjir eru algengastar á heimsvísu/á Íslandi?
  • Hvernig geta þeir nýst innan fjölskyldunnar?
  • Hvernig geta styrkleikar breytt hlutverkum, ábyrgð og verkefnum fjölskyldumeðlima/vinnufélaga?
  • Hvernig “grípum” við styrkleika hjá öðrum?
  • Hvernig notum við styrkleikanálgun á vinnustaðnum okkar?

Undirbúningur: Þátttakendur taka VIA styrkleikaprófið fyrir námskeiðið og hugleiða: Hvernig get ég nýtt þessa styrkleika í mínu lífi og starfi? Hvaða styrkleika vil ég efla hjá mér og hvers vegna?

Leiðbeinandi:  Guðrún Snorradóttir markþjálfi. Guðrún byggir á 12 ára reynslu sem stjórnandi og þekkir heim stjórnandans frá fyrstu hendi. Hún hefur einnig reynslu af mannauðsstjórnun og hefur unnið með stjórnendum bæði innan einka- sem og opinbera geirans. Hennar sérsvið eru áskoranir í samskiptum innan vinnustaða ásamt fyrirbyggjandi aðgerðum með því að einblína á styrkleika, helgun, tilgang, þrautseigju og færni starfsmanna. Hún er með master í jákvæðri sálfræði og er vottaður PCC stjórnendamarkþjálfi frá ICF (International coaching federation, 700 tímar að baki).

 Umsagnir:

„Ég hef lært fullt af aðferðum til að þekkja mig sjálfa betur“

„Gott að líta í eigin barm og uppgötva eigin styrkleika. Sjá hvað þarf að vinna með án þess að ætla að breyta sjálfum sér í grunninn."

„Styrkleikaprófið fannst mér einstaklega áhugavert og ég mun nýta mér niðurstöðurnar til þess að bæta hluti sem ég þarf að bæta."

„Fékk tæki og tól sem að munu nýtast mér í leik og starfi“

”Námskeiðið var sérstaklega áhugavert þar sem bæði efnið og kennslan var lifandi og skemmtileg” 

„Framsetning efnisins var góð og Guðrúnu tókst að halda athygli allra“

  

Félagsmenn í stéttarfélaginu Eining Iðja hjá ríki og sveitarfélögum athugið! 

Starfsmenntasjóðirnir Sveitamennt og Ríkismennt greiða námskeiðsgjald vegna þátttöku almennra starfsmanna sveitarfélaga og ríkisins. Þetta á einnig við stofnanir ríkis og sveitarfélaga sem eru aðilar að Sveitamennt og Ríkismennt. 

Heiti námskeiðs Dags Dagar Tími Staðsetning Verð Skráning
Styrkleikar í lífi og starfi - Námskeið á Dalvík 19. mar Fimmtudagur 14.00-17.00 Námsver SÍMEY á Dalvík - Víkurröst 33.750 kr. Skráning
Styrkleikar í lífi og starfi - Námskeið á Akureyri 19. mar Fimmtudagur 9.00 - 12.00 SÍMEY, Þórsstíg 4 33.750 kr. Skráning