Sálræn áföll - vinnumarkaður

Flokkur: vefnámskeid

Á námskeiðinu verður fjallað um hvað gerist þegar einstaklingar verða fyrir sálrænu áfalli t.d. í tengslum við atvinnu sína eða þegar vinnuaðstæður hafa mikið breyst. Jafnframt verður fjallað um hvaða leiðir eru færar til að takast á við áföll. Fjallað verður um helstu skilgreiningar, forvarnir, einkenni sem geta komið fram og líkamlegar, sálrænar og félagslegar afleiðingar.  

Farið verður yfir þær leiðir sem einstaklingar geta valið til úrvinnslu og meðferðar. Fjallað er um áhrif sálrænna áfalla á samfélagið og skoðað er hvað fellst í áfallamiðaðri nálgun og þjónustu. 

Eftir námskeiðið munu þátttakendur:  

  • Þekkja skilgreiningar og einkenni hjá einstaklingum sem hafa orðið fyrir áföllum.  
  • Þekkja afleiðingar áfalla fyrir heilsufar og líðan og getur þannig brugðist við í starfi og leik.  
  • Hafa þekkingu á því hvernig má nálgast einstaklinga eftir áföll. 

Leiðbeinandi:  Sigrún Sigurðardóttir dósent við HA.  

 

Athugið að félagsmenn í stéttarfélögunum Eining Iðja, Kjölur og Sameyki sækja námskeiðið sér að kostnaðarlausu. 

Kjölur og Sameyki greiða námskeiðsgjaldið að fullu fyrir sína félagsmenn og starfsmenntasjóðirnir Landsmennt, Ríkismennt og Sveitamennt greiða námskeiðsgjaldið að fullu fyrir félagsmenn í Einingu Iðju. 

Athugið að námskeiðin eru öllum opin og minnum við aðra en félagsmenn þessara félaga á að kanna rétt sinn hjá sínu stéttarfélagi.

Heiti námskeiðs Dags Dagar Tími Staðsetning Verð Skráning
18.2.221 áföll 18. feb 13.00-16.00 ZOOM 19.300 kr. Skráning