Ríkara líf - Þakklæti og hamingja - vefnámskeið

Á námskeiðinu öðlumst við þekkingu á hvernig við getum haft áhrif á hugsanir okkar og hegðun. Við skoðum hvað það er sem gerir okkur hamingjusöm og hvað er á okkar valdi að gera til að öðlast ríkara líf. Flest getum við verið föst í viðjum vanans og erum lítið að fara út fyrir þægindaramminn okkar. En hvenær er þægindaramminn orðinn heftandi? og hvenær er vanahegðun orðin óheilbrigð fyrir okkur eða ekki að þjóna okkur á sama hátt og áður?

Á þessu námskeiði færðu aðstoð og utan umhald til að gera varanlegar breytingar á lífi þínu, Hvort sem það er að komast út úr hugsanamynstri sem er ekki að þjóna þér lengur eða vanahegðun sem þig langar að stokka upp í.

Í lok námskeiðsins verður þú komin/nn/ð með verkfæri til að halda áfram að auðga líf þitt. Þú heldur á lyklinum að eigin hamingju.

• Hugsanir og hugsanamynstur  -  Þú hefur öðlast skilning á hversu stórt vægi hugsanir og hugsanamynstur hefur á líf þitt. Hvernig þú getur unnið með hugsanir svo þær séu að vinna að hamingju þinni, séu að auðga líf þitt. Þú færist nær því að vita hver þú ert og hvað raunverulega veitir þér hamingju 

• Þakklætisdagbókin mín  - Kærleikur og þakklæti eru það sem gerir okkur auðmjúk og dregur fram það besta í okkur. Að fara í gegn um bókina með stuðningi og utan umhaldi hjálpa þér að gera skrifin að vana sem kemur til með að auka hamingju þína dag frá degi 

• Að lifa í núinu  -  Það er ótrúlegt hversu mikil núvitundaræfing er fólgin í að byrja og enda daginn á 5 mínútna dagbókarskrifum með ásetningi.  

• Vanahegðun  -  Þú hefur öðlast betri skilning á hvað litlar jákvæðar breytingar á hverjum degi geta gjörbreytt lífi þínu til hins betra. Að koma sér upp uppbyggilegum vana dag hvern getur sannarlega dimmu í dagsljós breytt. 

• Gjafabréf í markþjálfun  -  Fyrir þá sem vilja nýta sér markþjálfun til að dýpka skilning á einhverju sem kemur upp á námskeiðinu þá er það gjöf mín til þín. Hvort sem það er að finna út hvað gerir þig hamingjusama/nn/ð eða vinna með hugsanir og vanahegðun 

Leiðbeinandi:  Margrét Gunnarsdóttir markþjálfi og höfundur þakklætisdagbókarinnar.  

Hvar og hvenær:  Á ZOOM í 3 * 2 tímar frá kl. 17:00-19:00, mánudagana 12., 19. og 26.  febrúar.  

Námskeiðin eru öllum opin og minnum við aðila í öðrum stéttarfélögum að kanna rétt sinn hjá sínu félagi.

Vinsamlega athugið að námsgjöld eru óafturkræf eftir að frestur til að segja sig frá námi rennur út. Berist umsókn til okkar innan tveggja sólarhringa áður en námskeið hefst verður námskeiðsgjaldið gjaldfært strax og námsgjöld þar af leiðandi óafturkræf.Frestur til úrsagnar úr námskeiðinu er allt að 48 klukkustundum áður en námskeiðið hefst.  Hafi skrifleg úrsögn ekki borist fyrir þann tíma, verða námsgjöld innheimt að fullu (sjá greiðsluskilmála SÍMEY) Ef þú vilt hætta við umsókn og koma í veg fyrir að námsgjöld verði innheimt, smelltu þá hér áður en fresturinn rennur út, fylltu út formið og sendu til okkar.