Losunarbókhald sveitarfélaganna

Eingöngu ætlað starfsfólki sveitarfélaga á Norðurlandi eystra. 

Losunarbókhald gefur sveitarfélögum yfirsýn yfir losun gróðurhúsalofttegunda frá starfsemi sinni og er gagnlegt tól til að leggja mat á kolefnisspor til að hægt sé að draga úr því á markvissan og hagkvæman hátt.

Losunarbókhaldið er meginliðurinn í grænu bókhaldi sem æskilegt er að sveitarfélög sem eru þátttakendur í Grænu skrefunum standi skil á auk þess sem þetta er lykilatriði  til þess að uppfylla ákvæði í lögum um loftslagsmál.   

Á námskeiðinu verður farið yfir helstu hugtök og aðferðafræði Greenhouse gas protocol (GHG-protocol) kynnt. Leiðarvísir GHG-protocol er í notkun víða um heim til að reikna losun frá rekstri og byggir losunareiknir í verkfærakistu sveitarfélaganna á þeirri aðferðafræði.

Farið verður yfir ávinninginn af því að halda slíkt bókhald fyrir sveitarfélög, hvaða gögnum þarf að safna og gagnlegar venjur til þess að einfalda gagnasöfnun. 

Fyrirkomulag: Fræðsla í rauntíma í gegnum Zoom.