Hönnunar- og tilraunasmiðja í FabLab

Flokkur: Lengra nám

FabLab nýtir opinn hugbúnað og býr yfir margvíslegum tækjum og aðstöðu til vinnu og þróunar hugmynda. Þar á meðal eru laserskeri, vínilskurður, þrívíddarprentun og stór CNC fræsari.

Námskeiðið er byggt upp á fyrirlestrarformi og verklegri vinnu en auk þessa þurfa þátttakendur að halda verkdagbók á meðan á námskeiði stendur.

Með því að kynnast ólíkum framleiðsluferlum frá upphafi til enda og sjá hugmyndir sínar verða að veruleika öðlast þátttakendur innsýn í hvað liggur að baki því að búa til hluti og framleiða.

Athugið að námið er ætlað einstaklingum sem ekki hafa lokið námi á framhaldsskólastigi. 
Miðað er við að fagbókleg kennsla nemi að lágmarki 13 klukkustundum af 80 klukkustunda heildarnámstíma.

Forkröfur náms: Ætlað fólki sem er 18 ára og eldra.
Lengd: 80 klst.
Námsmat: Gerð er krafa um 80% lágmarksmætingu.
Kennarar: Helga Björg Jónasardóttir, vöruhönnuður, myndlistamaður og kennari. Ólafur Pálmi Guðnason tölvunarfræðingur og Jón Þór Sigurðsson margmiðlunarhönnuður.
Staðsetning: FabLab smiðja í Verkmenntaskólanum á Akureyri.
Hvenær: Hefst 20 janúar og lýkur 1. apríl 2020
Verð: 34.000 kr. Efniskostnaður innifalinn að hluta. ( með fyrirvara um breytingar á gjaldskrá skv. ákvörðun fræðslusjóðs)


p.s. Ekki gleyma að kanna möguleikana á styrkjum hjá stéttarfélögum ykkar og fræðslusjóðum!

Vorönn 2020