Að varða veginn fyrir þitt besta ár

Flokkur: vefnámskeid

Vilt þú skýra sýn þína á árið sem framundan er? Hvað er mikilvægt fyrir þig og hvernig vilt þú nýta tímann þinn?

Á þessu námskeiði er ætlunin að skoða með hvaða hætti þátttakendur geta varðað leiðina fyrir árið 2021 þannig að það verði innihaldsríkt og gjöfult, uppfullt af ánægjulegum stundum og tækifærum sem hver og einn skapar sér.

Undanfarin misseri hafa reynst mörgum erfið og margir ekki getað sinnt því sem þeir eru vanir eða gert það sem hugur stefndi til. En hefur þetta tímabil kennt okkur eitthvað? Er kannski einhver lærdómur þarna fyrir okkur sjálf t.d. með hvaða hætti við getum náð stjórn á aðstæðum í stað þess að láta stjórnast af þeim? Getum við hugsanlega litið á þennan tíma og þann sem framundan er með öðrum augum? Hvernig viljum við varða veginn fyrir nýtt ár?

Markmið er að í lok námskeiðs hafi þátttakendur skýra sýn á hvert þeir vilja stefna á árinu 2021 og hafi lagt vörður að leiðangri sínum í þar til gerða vinnubók. Notaðar verða m.a. aðferðir markþjálfunar með þátttakendum.

Námskeiðið er í tveimur hlutum með viku millibili.

Leiðbeinendur: Kristín Björk Gunnarsdóttir og Ingunn Helga Bjarnadóttir markþjálfar

Athugið að félagsmenn í stéttarfélögunum Einingu Iðju, Kili og Sameyki sækja námskeiðið sér að kostnaðarlausu. 

Kjölur og Sameyki greiða námskeiðsgjaldið að fullu fyrir sína félagsmenn og starfsmenntasjóðirnir Landsmennt, Ríkismennt og Sveitamennt greiða námskeiðsgjaldið að fullu fyrir félagsmenn í Einingu Iðju. 

Athugið að námskeiðin eru öllum opin og minnum við aðra en félagsmenn þessara félaga á að kanna rétt sinn hjá sínu stéttarfélagi.

 

Heiti námskeiðs Dags Dagar Tími Staðsetning Verð Skráning