Umferðaröryggi og bíltækni

Flokkur: Endurmenntun atvinnubílstjóra

Bílstjóri með  réttindi til  að  stjórna  bifreið  í  C1-,  C-,  D1- og  D-flokki  í atvinnuskyni er yfirleitt meira í umferðinni en hinn almenni ökumaður og má því  ætla  að  hann  komi  oftar  að  vettvangi  umferðarslyss.  Aðrir  vegfarendur ætlast að auki oft til þess að þeir taki að sér stjórn aðgerða á vettvangi slyss. Ennfremur  má  gera  ráð  fyrir  að  bílstjóri  sem  starfar  við  farþegaflutninga  í atvinnuskyni geti verið fjarri byggð með farþega þegar slys verður. Mikilvægt er að hann þekki skipulag, boðleiðir og störf björgunar- og viðbragðsaðila og geti undirbúið aðkomu þeirra á vettvangi. Farið er yfir helstu  þætti  sem  auka  öryggi  í  umferðinni, bæði er  varða umhverfi og bíltækni.  Kynnt er hugmyndafræði svokallaðrar „núllsýnar“ í umferðaröryggisstarfi og helstu  tegundir vinnuslysa  og  umferðarslysa skoðaðar.

Forkröfur náms: Ætlað atvinnubílstjórum sem hafa fengið réttindi sín fyrir 10. september 2013. Einnig þeim sem vilja endurnýja ökuskírteinið sitt með ökuréttindaflokki D1 og D til farþegaflutninga í atvinnuskyni og í flokki C1 og C til vöruflutninga í atvinnuskyni.

Athugið að nauðsynlegt er að skrá sig hér á síðunni. Þeir sem ekki eru skráðir þurfa mögulega frá að hverfa.

Verð: 20.000 kr
Athugið að ef öll 5 námskeiðin eru tekin hjá Ekli/SÍMEY er einungis greitt fyrir fjögur.

Hér getur þú kannað stöðu þína í endurmenntun.
Þú skráir þig inn með rafrænum skilríkjum

Heiti námskeiðs Dags Dagar Tími Staðsetning Verð Skráning