Fagmennska og mannlegi þátturinn/ í maí


Í öllu ökunámi hefur áhersla á mannlega þætti og umferðaröryggi aukist verulega undanfarna áratugi. Með áherslu á heilsu og lífsstíl ásamt innsýn í skynjun,umferðarhegðun, samskipti við aðra og viðhorf  vegfarenda er bílstjórinn hvattur til að líta í eigin barm og skoða samhengið milli mannlegra þátta og umferðaröryggis. Þekking á reglum, fylgni við þær og færni í að stjórna ökutæki af öryggi er undirstaða fagmennsku bílstjóra. Góður fagmaður er góð fyrirmynd í umferðinni og skapar sér góða ímynd, sem og fyrirtæki sínu.

Forkröfur náms: Ætlað atvinnubílstjórum sem hafa fengið réttindi sín fyrir 10. september 2013. Einnig þeim sem vilja endurnýja ökuskírteinið sín með ökuréttindaflokki D1 og D til farþegaflutninga í atvinnuskyni og í flokki C1 og C til vöruflutninga í atvinnuskyni.

Lengd:  7 klst. með matar- og kaffihléum

Námsmarkmið: Að bílstjóri skilji að þekking og færni er undirstaða fagmennsku. Bílstjórinn þekki þætti í daglegu lífi og starfsumhverfi sem hafa áhrif á öryggi hans, heilsufar,andlega og líkamlega líðan. Hann þekki einkenni þreytu og streitu og viðbrögð þar við. Hann skilji ferli skynjunar, hegðun manna í umferðinni og mikilvægi sálrænna þátta í umferðar-og vinnuslysum

Leiðbeinendur: Sonja Sif Jóhannsdóttir íþrótta- og heilsufræðingur, Emil Björnsson og Kristín Björk Gunnarsdóttir verkefnastjórar SÍMEY

Hvar: SÍMEY, Þórsstíg 4 Akureyri

Hvenær: Kennt 4. maí kl 17:00-20:30 og 5. maí kl 09:00-12:30

Verð: 20.000 kr



p.s. Ekki gleyma að kanna möguleikana á styrkjum hjá stéttarfélögum ykkar og fræðslusjóðum!