Fyrir iðngreinar
Raunfærnimat verður sífellt mikilvægara til þess að kortleggja færni sína og auka möguleika sína til að bæta við sig í námi eða annari uppbyggingu.
Margir einstaklingar á vinnumarkaðnum hafa í gegnum áralanga reynslu byggt upp umtalsverða færni, en ekki lokið námi af einhverjum ástæðum. Þessir einstaklingar búa yfir raunfærni sem vert er að skoða og meta. Raunfærni er samanlögð færni sem einstaklingur hefur náð með ýmsum hætti, s.s. starfsreynslu, starfsnámi, frístundanámi, skólanámi, félagsstörfum og fjölskyldulífi. Sjá bækling um raunfærnimat á íslensku. Ráðgjafar SÍMEY gefa allar frekari upplýsingar um mat á raunfærni.
Iðnaðarmenn með amk 5 ára starfsreynslu geta látið skoða færni sína og fengið metna á móti faggreinum iðgreinanna. Þetta er unnið í samstarfi við Iðuna Fræðslusetur og misjafnt er hvaða verkefni eru í gangi. Áhugasamir eru hvattir til að kynna sér málið. Sjá frekari upplýsingar hér.
